koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

doosron par agar tabsira keejie saamne aaina rakh liya keejie

husn jab meherbaan ho to kya keejie ishq ke maghfirat ki dua keejie

ilaahi mire dost hon khairiyat se ye kyun ghar men patthar nahin aa rahe hain

phool kar le nibaah kaanton se aadmi hi na aadmi se mile

tere dar se jab uth ke jaana padega KHud apna janaaza uthaana padega