mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

tum bahut KHush rahogi mere saath vaise har ik ki apni marzi hai

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

main agar apni jawaani ke suna doon qisse ye jo launde hain mere paanv dabane lag jaa.e

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

main KHvaab dekh raha hooñ ki vo pukaarta hai aur apne jism se baahar nikal raha hooñ main

hat ke dekhenge use raunaq-e-mehfil se kabhi sabz mausam men to har ped haraa lagta hai

dekhte hain to lahu jaise ragein todta hai ham to mar jaayenge seene se laga kar us ko

utho ye manzar-e-shab-taab dekhne ke li.e ki neend shart nahin KHvaab dekhne ke li.e

kaha tha tum ne ki laata hai kaun ishq kii taab so ham javaab tumhaare sawaal hi ke to hain