koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

us..ko fursat nahin milti ki palat kar dekhe ham hi deewane hain deewane bane rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

main KHvaab dekh raha hooñ ki vo pukaarta hai aur apne jism se baahar nikal raha hooñ main

kaha tha tum ne ki laata hai kaun ishq kii taab so ham javaab tumhaare sawaal hi ke to hain

hat ke dekhenge use raunaq-e-mehfil se kabhi sabz mausam men to har ped haraa lagta hai

Ek main hoon ki is aashob e nava men chup hoon

tu ye na dekh ki sab tahniyaan salaamat hain ki ye darakht tha aur pattiyaan bhi rakhta tha