tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

tumhaari shakl kisi shakl se milaate hue main kho gaya hooñ naya raasta banaate hue

saath men tu mere do gaam to chal saka hai itnaa chalne se meraa kaam to chal saka hai tere dil men kisi shayar ki jagah to hogii is ilaake men meraa naam to chal saka hai

kuchh waqt ne toda hai bharam aur kuchh usne main to ye samajhta tha koii baat hai mujh men

gham men ham soorat-e-gamkhaar nahin padhte hain isliye meer ke ash'aar nahin padhte hain meri aañkhen teri tasveer se ja lagti hain subh uthkar sabhi akhbaar nahin padhte hain

aur ab duniya meri tanhaaii men deti hai dakhl main bhi patthar fenkta rehta tha thehri jheel par