tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha

teri soorat se hai aalam men bahaaron ko sabaat teri aankhoñ ke siva duniya men rakha kya hai

saath men tu mere do gaam to chal saka hai itnaa chalne se meraa kaam to chal saka hai tere dil men kisi shayar ki jagah to hogii is ilaake men meraa naam to chal saka hai

kuchh waqt ne toda hai bharam aur kuchh usne main to ye samajhta tha koii baat hai mujh men

aur ab duniya meri tanhaaii men deti hai dakhl main bhi patthar fenkta rehta tha thehri jheel par

aap jis cheez ko kahte hain ki behoshi hai vo dimaagon men zaraa der ki khaamoshi hai sookhte ped se panchi ka juda ho jaana khud-parasti nahin ehsaan-faraamoshi hai

tumhaari shakl kisi shakl se milaate hue main kho gaya hooñ naya raasta banaate hue