main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

nahin lagega use dekh kar magar KHush hai main KHush nahin hooñ magar dekh kar lagega nahin

le de ke apne paas faqat ik nazar to hai kyun dekhen zindagi ko kisi ki nazar se ham

ab main saare jahaan men hooñ badnaam ab bhi tum mujh...ko jaanti ho kya

gham men ham soorat-e-gamkhaar nahin padhte hain isliye meer ke ash'aar nahin padhte hain meri aañkhen teri tasveer se ja lagti hain subh uthkar sabhi akhbaar nahin padhte hain

aap jis cheez ko kahte hain ki behoshi hai vo dimaagon men zaraa der ki khaamoshi hai sookhte ped se panchi ka juda ho jaana khud-parasti nahin ehsaan-faraamoshi hai

aur ab duniya meri tanhaaii men deti hai dakhl main bhi patthar fenkta rehta tha thehri jheel par

puraani chaahat ke zaKHm ab tak bhare nahin hain aur ek ladki padi hai peeche bade jatan se

kuchh waqt ne toda hai bharam aur kuchh usne main to ye samajhta tha koii baat hai mujh men