bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

hazaaron saal nargis apni be-noori pe roti hai badi mushkil se hota hai chaman men deeda-war paida

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

sehra se ho ke baagh men aaya hooñ sair ko haathon men phool hain mere paanv men ret hai

is li.e raushni men thandak hai kuchh charaaghon ko nam kiya gaya hai

tilism-e-yaar ye pahluu nikaal leta hai ki pattharon se bhi khushboo nikaal leta hai hai be-lihaaz kuchh aisa ki aankh lagte hi vo sar ke neeche se baazu nikaal leta hai

mujh...ko kis dasht se laai thii kahaan chhod gaii in hawaon se koi poochne vaala bhi nahin

yuñ nahin hai ki faqat main hi use chahta hooñ jo bhi us ped ki chaanv men gaya baith gaya