hazaaron saal nargis apni be-noori pe roti hai badi mushkil se hota hai chaman men deeda-war paida

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

sehra se ho ke baagh men aaya hooñ sair ko haathon men phool hain mere paanv men ret hai

tamaam nakhuda saahil se door ho jaayen samundron se akelaa men baat karne hai

main jis ke saath kaii din guzaar aaya hooñ vo mere saath basar raat kyun nahin karta

aaj milnaa tha bichhad jaane ki niyat se ha men aaj bhi vo der se pahuncha hai kitna tez hai

tilism-e-yaar ye pahluu nikaal leta hai ki pattharon se bhi khushboo nikaal leta hai hai be-lihaaz kuchh aisa ki aankh lagte hi vo sar ke neeche se baazu nikaal leta hai