koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

shayari ye husn aur ye ishq kii baatein janab ik samay tak theek hai phir chhod deni chahiye

ishq par jab she'r likhne baithta hooñ aajkal muskuraate lab mere hain aankh roti hai meri

KHvaabon ko dekhne se mila kuchh nahin mujhe lekin shab-e-zulmat se gilaa kuchh nahin mujhe

izhaaro par parda daalo ishq utaaro sar se apne varna ik din marna tumko jeene se aasaan lagega

rone se gar dil ke gham mit jaate to aañsu se hi ishq gazab ka karta main