main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

maana ki teri deed ke qaabil nahin hooñ main tu miraa shauq dekh miraa intizaar dekh

tumhaare naam ki har ladki se mila hooñ main tumhaara naam faqat tum pe achha lagta hai

phir se armaan koi qatl hua hai meraa ashk aa.e hain mere ghusl-e-janaaza karne

jab mere aib nazar hi nahin aate hai mujhe khoobiyaan teri mujhe KHaak nazar aayengi

jo bhi raushan the bujha kar sab umeedon ke charaaghh so ga.e aaj bhi ham odh ke tanhaaii ko

gala hi ghont deta hai vo apni tishnagi ka main us..ko zahar lagta hooñ so peeta hi nahin hai

main bhatkata hi raha dasht-e-shanaasaai men koi utara hi nahin rooh ki gehraai men kya milaaya hai bataa jaam-e-paziraai men khoob nashsha hai teri hausla-afzaai men teri yaadon ki sui prem ka dhaaga meraa kaam aa.e hain bahut zaKHmon ki turpaai men das rahi hai ye siyah-raat ki naagin mujh...ko bhar rahi zahr-e-khamoshi rag-e-tanhaai men surma-e-makr-o-fareb aankhoñ men jab se hai laga tab se hai khoob izafa had-e-beenaai men fikr-o-fan rang-e-taghazzul na ghazal ki KHushboo bas laga rehta hooñ main qaafiya-paimaai men seekh paani se hunar kaam anees aayega daud kar KHud hi chala aata hai gehraai men