uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

meri tanhaaii dekhenge to hairat hi karenge log mohabbat chhod denge ya mohabbat hi karenge log

dua karo ki salaamat rahe mirii himmat ye ik charaaghh kaii aandhiyon pe bhari hai

dard muhabbat tanhaaii hai ladkon men kisne afwaah failaai hai ladkon men ik dooje se kate kate se rahte hain kya koi ladki aayi hai ladko men

roshni badhne lagii hai shahar ki chaand chat par aa gaya hai dekhiye

phir se armaan koi qatl hua hai meraa ashk aa.e hain mere ghusl-e-janaaza karne

jab mere aib nazar hi nahin aate hai mujhe khoobiyaan teri mujhe KHaak nazar aayengi

ana ka bojh li.e sar pe ghoomta hooñ main ise utaarna aasaan kyuuñ nahin hota

gala hi ghont deta hai vo apni tishnagi ka main us..ko zahar lagta hooñ so peeta hi nahin hai

main bhatkata hi raha dasht-e-shanaasaai men koi utara hi nahin rooh ki gehraai men kya milaaya hai bataa jaam-e-paziraai men khoob nashsha hai teri hausla-afzaai men teri yaadon ki sui prem ka dhaaga meraa kaam aa.e hain bahut zaKHmon ki turpaai men das rahi hai ye siyah-raat ki naagin mujh...ko bhar rahi zahr-e-khamoshi rag-e-tanhaai men surma-e-makr-o-fareb aankhoñ men jab se hai laga tab se hai khoob izafa had-e-beenaai men fikr-o-fan rang-e-taghazzul na ghazal ki KHushboo bas laga rehta hooñ main qaafiya-paimaai men seekh paani se hunar kaam anees aayega daud kar KHud hi chala aata hai gehraai men