khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

maana ki teri deed ke qaabil nahin hooñ main tu miraa shauq dekh miraa intizaar dekh

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

yaad hai aanis pahle tum KHud bikhre the aaiine ne tum se bikhrna seekha tha

bikhar ke phool fazaaon men baas chhod gaya tamaam rang yahiin aas-paas chhod gaya

utaara dil ke varq par to kitna pachtaaya vo intisaab jo pahle bas ik kitaab pe tha

mumkin hai ki sadiyon bhi nazar aa.e na suraj is baar andhera mire andar se utha hai

mere apne andar ek bhanwar tha jis men meraa sab kuchh saath hi mere doob gaya hai