tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ye vo qabeela hai jo husn ko KHuda maane yahaañ pe kaun teri baat ka bura maane ishaara kar diya hai aapki taraf maine ye bacche pooch rahe the ki be-vafa maane

main apne dono taraf ek sa hooñ tere li.e kisi se shart laga phir mujhe uchaal ke dekh

nigaahon ke taqaze chain se marne nahin dete yahaañ manzar hi aise hain ki dil bharne nahin dete humeen un se umeedein aasmaañ choone ki karte hain humeen bacchon ko apne faisley karne nahin dete

main jab so jaaun in aankhoñ pe apne hont rakh dena yaqeen aa jaayega palkon tale bhi dil dhadakta hai

paida vo baat kar ki tujhe royen doosre rona KHud apne haal pe ye zaar zaar kya