mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

main agar apni jawaani ke suna doon qisse ye jo launde hain mere paanv dabane lag jaa.e

bahut mazaak udaate ho tum ghareebon ka madad to karte ho tasveer kheench lete ho

shaakhon se toot jaayen vo patte nahin hain ham aandhi se koi kah de ki auqaat men rahe

mohabbat apni qismat men nahin hai ibadat se guzaara kar rahe hai

vo saamne tha to kam kam dikhaai deta tha chala gaya to barabar dikhaai dene laga

teri khushboo ko lutate hue aate jaate baaki bachta hai jo insaan kahaan jaata hai

Mujh se aage nazar aane men khushi thi us ki

hamen itni badi duniya ka pata thodii tha jahaan ham tum hua karte the vahaañ rah ga.e ham

ik naqsh ho na paa.e idhar se udhar meraa jaisa tumhein mila tha main waisa juda karo