jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

bas ye diqqat hai bhulaane men use uske badle men kis ko yaad karen

kitaab film safar ishq shayari aurat kahaan kahaan na gaya KHud ko dhoondhta hua main

lo aaj ham ne tod diya rishta-e-umeed lo ab kabhi gilaa na karenge kisi se ham

faqeer-e-shahr ke tan par libaas baaki hai ameer-e-shahr ke armaan abhii kahaan nikle

bas ab to daaman-e-dil chhod do bekar umeedo bahut dukh sah li.e maine bahut din jee liya maine

zulm phir zulm hai badhta hai to mit jaata hai KHoon phir KHoon hai tapkega to jam jaayega

tang aa chuke hain kashmaksh-e-zindagi se ham thukra na den jahaan ko kahii be-dili se ham