mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai

ek din ki khuraak hai meri aap ke hain jo poore saal ke dukh

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

ye aashiqi tire bas ki nahin so rahne de ki teraa kaam to bas na-sipaas hona hai

main aaj sog manana sikhaane vaala hooñ idhar ko aayen jinhen mahv-e-yaas hona hai

azal se meri hifazat ka farz hai un par sabhi dukhon ko mere aas-paas hona hai

mujh ko beemaar karegi tiri aadat ik din aur phir tujh se bhi achha nahin ho paaooñga

mujh men itni nahin taaseer masihaai ki zakham bhar saka hooñ iisa nahin ho paaooñga