shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

mujhe azaad kar do ek din sab sach bataa kar tumhaare aur uske darmiyaañ kya chal raha hai

ye aashiqi tire bas ki nahin so rahne de ki teraa kaam to bas na-sipaas hona hai

mujh ko beemaar karegi tiri aadat ik din aur phir tujh se bhi achha nahin ho paaooñga

azal se meri hifazat ka farz hai un par sabhi dukhon ko mere aas-paas hona hai

kuchh is ada se mohabbat-shanaas hona hai khushi ke baab men mujh ko udaas hona hai

main aaj sog manana sikhaane vaala hooñ idhar ko aayen jinhen mahv-e-yaas hona hai