tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

tum poochho aur main na bataaun aise to haalaat nahin ek zaraa sa dil toota hai aur to koi baat nahin

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

use kisi se mohabbat thii aur vo main nahin tha ye baat mujhse zyaada use rulaati thii

zaraa chhua tha ki bas ped aa giraa mujh par kahaan khabar thii ki andar se khokhla hai bahut

vo ek aks ki pal bhar nazar men thehra tha tamaam umr ka ab silsila hai mere li.e

Phir na gunjaaish e yak sadma bhi ham tum men rahi

main hooñ aur waada-e-farda teraa aur ik umr padi ho jaise

tu koii gham hai to dil men jagah banaa apni tu ik sadaa hai to ehsaas kii kamaan se nikal