ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

mat pooch ki kya haal hai meraa tere peeche tu dekh ki kya rang hai teraa mere aage

putaliyon men ghula samandar hai motiyon ki dukaan aañkhen hain aap tahqeeq hi nahin karte sab khazaano ki khaan aañkhen hain

aah yuñ toota bharam sab kuchh khatm uns keena saad gham sab kuchh khatm

vo ik nadi jo kabhi tez-tez bahti thii vo aaj ret ke maidaan si bichi hui hai main ik darqat tha ashraf kisi zamaane men khizan ke kehar se ab thooth hi bachi hui hai

koi dastaq hui dariche se titliyan ud gaiin bageeche se thodii sha'aistagi zaroori hai toot jaati hai dor kheeche se

roz khota hooñ khyaalon men tumhaari jaanaan roz dhundhli hui tasveer ubhar aati hai