main chahta hooñ mohabbat meraa vo haal kare ki KHvaab men bhi dobara kabhi majaal na ho

dhoop men niklo ghataon men naha kar dekho zindagi kya hai kitaabon ko hata kar dekho

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

vo kahte hain har chot par muskuraao vafaa yaad rakho sitam bhool jaao

na jaane rooth ke baitha hai dil ka chain kahaan mile to us ko hamaara koii salaam kahe

vo baat zaraa sii jise kahte hain gham-e-dil samjhaane men ik umr guzar jaa.e hai pyaare

suna hai ha men be-vafa tum kaho ho zaraa ham se aañkhen mila lo to jaanen

daaman pe koi cheent na khanjar pe koi daagh tum qatl karo ho ki karaamaat karo ho