tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

tum poochho aur main na bataaun aise to haalaat nahin ek zaraa sa dil toota hai aur to koi baat nahin

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

kaun si baat hai tum men aisi itne achchhe kyun lagte ho

vo baat zaraa sii jise kahte hain gham-e-dil samjhaane men ik umr guzar jaa.e hai pyaare

na jaane rooth ke baitha hai dil ka chain kahaan mile to us ko hamaara koii salaam kahe

talkhiyaan is men bahut kuchh hain mazaa kuchh bhi nahin zindagi dard-e-mohabbat ke siva kuchh bhi nahin

vo kahte hain har chot par muskuraao vafaa yaad rakho sitam bhool jaao

zalim tha vo aur zulm ki aadat bhi bahut thii majboor the ham us se mohabbat bhi bahut thii