shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dekho ham koi wahshi nahin deewane hain tumse button khulwane nahin lagwane hain

hazaaron saal nargis apni be-noori pe roti hai badi mushkil se hota hai chaman men deeda-war paida

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

jism chadar sa bich gaya hogaa rooh silvat hata rahi hogii

dil ke tamaam zakham tiri haan se bhar ga.e jitne kathin the raaste vo sab guzar ga.e

meraa khyaal teri chuppiyon ko aata hai teraa khyaal meri hichkiyon ko aata hai

chaaron taraf bikhar gaiin saanson ki khushbuen raah-e-wafa men aap jahaan bhi jidhar ga.e

raat ke jism men jab pehla piyaala utara door dariyaa men mere chaand ka haala utara