ham vo hain jo KHuda ko bhool ga.e tum meri jaan kis gumaan men ho

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

main saari umr andheron men kaat saktaa hooñ mere diyon ko magar raushni paraai na de

zinda rahna hai to haalaat se darna kaisa jang laazim ho to lashkar nahin dekhe jaate

jab tujhe rishte nibhaane ka hunar aa jaayega teraa dushman KHud hi chalkar tere ghar aa jaayega

jaane kab chubh jaa.e aankhoñ men koii be-rehm sach aaina bhi dekhne waalo sambhal kar dekhna

mujh ko thakne nahin deta ye zaroorat ka pahaad mere bacche mujhe boodha nahin hone dete