koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

kya khabar kaun tha vo aur meraa kya lagta tha jisse milkar mujhe har shaKHs bura lagta tha

ye mujhe chain kyun nahin padta ek hi shaKHs tha jahaan men kya

main saari umr andheron men kaat saktaa hooñ mere diyon ko magar raushni paraai na de

Bahut satate hain vo rishte jo toot jaate hain

suna hai band kar leen usne aañkhen kaii raaton se vo soya nahin tha

mujh ko sooli pe chadaakar bhi dukhi hai duniya vo meri maut nahin aankhoñ men dar maangti hai

jab tujhe rishte nibhaane ka hunar aa jaayega teraa dushman KHud hi chalkar tere ghar aa jaayega