tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

sochun to saari umr mohabbat men kat gaii dekhooñ to ek shaKHs bhi meraa nahin hua

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

teri soorat se hai aalam men bahaaron ko sabaat teri aankhoñ ke siva duniya men rakha kya hai

sehra se ho ke baagh men aaya hooñ sair ko haathon men phool hain mere paanv men ret hai

ik teraa hijr daaimi hai mujhe warna har cheez aarzi hai mujhe

mujh...ko kis dasht se laai thii kahaan chhod gaii in hawaon se koi poochne vaala bhi nahin

tilism-e-yaar ye pahluu nikaal leta hai ki pattharon se bhi khushboo nikaal leta hai hai be-lihaaz kuchh aisa ki aankh lagte hi vo sar ke neeche se baazu nikaal leta hai

guzar chuki julmate shab-e-hijr par badan men vo teergii hai main jal marunga magar chiraagon ke lo ko madhyam nahin karunga yah ahd lekar hi tujh ko saumpi thii maine kalbau nazar ki sarhad jo tere haathon se katl hogaa main us ka maatam nahin karunga