tune dekhi hai vo peshaani vo rukhsaar vo hont zindagi jinke tasavvur men luta dii hamne tujhpe uthi hain vo khoi hui saahir aañkhen tujhko maaloom hai kyuuñ umr ganwa dii hamne

geet likhe bhi to aise ke sunaayein na ga.e zaKHm yoon lafzon men utren ke dikhaayein na ga.e aaj tak rakkhe hain pachhtaave ki almaari men ek do vaade jo dono se nibhaayein na ga.e

achchhe she'r sunaane waale ladke sun achchhe shayar tanhaa hi rah jaate hain

laakhon sad men dheron gham phir bhi nahin hain aañkhen nam ik muddat se roye nahin kya patthar ke ho ga.e ham

ha men goonga na samjha jaa.e kamtar bolte hain ham jahaan hamko suna jaa.e wahin par bolte hain ham

main saari umr andheron men kaat saktaa hooñ mere diyon ko magar raushni paraai na de

jab tujhe rishte nibhaane ka hunar aa jaayega teraa dushman KHud hi chalkar tere ghar aa jaayega

Bahut satate hain vo rishte jo toot jaate hain

jaane kab chubh jaa.e aankhoñ men koii be-rehm sach aaina bhi dekhne waalo sambhal kar dekhna

jo kah rahe the ki jeena muhaal hai tum bin bichhad ke mujhse vo do din udaas bhi na rahe