koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

ye jo deewaar andheron ne utha rakkhi hai meraa maqsad isee deewaar men dar karna hai

waqt-e-rukhsat aab-deeda aap kyun hain jism se to jaañ hamaari ja rahi hai

main ne ik shahar hamesha ke li.e chhod diya lekin us shahar ko aankhoñ men basa laaya hooñ

agar saa.e se jal jaane ka itnaa khauf tha to phir sehar hote hi suraj ki nigahbaani men aa jaate

zindagi meri mujhe qaid ki.e deti hai is ko dar hai main kisi aur ka ho saka hooñ