geet likhe bhi to aise ke sunaayein na ga.e zaKHm yoon lafzon men utren ke dikhaayein na ga.e aaj tak rakkhe hain pachhtaave ki almaari men ek do vaade jo dono se nibhaayein na ga.e

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai

ye kab kahti hooñ tum mere gale ka haar ho jaao wahin se laut jaana tum jahaan bezaar ho jaao

vo shaakh hai na phool agar titliyan na hon vo ghar bhi koi ghar hai jahaan bacchiyaan na hon

vo firaq aur vo visaal kahaan vo shab-o-roz-o-maah-o-saal kahaan

bahut dinon men mohabbat ko ye hua maaloom jo tere hijr men guzri vo raat raat hui

laai na aison-vaison ko khaatir men aaj tak unchi hai kis qadar tiri neechi nigaah bhi

shaamen kisi ko maangti hain aaj bhi firaq go zindagi men yoon mujhe koi kamii nahin

tu yaad aaya tere jaur-o-sitam lekin na yaad aa.e mohabbat men ye ma'soomi badi mushkil se aati hai

KHair sach to hai sach magar ai jhooth maine teraa bhi etibaar kiya