poochte hain vo ki ghalib kaun hai koi batlaao ki ham batlaayein kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

itni milti hai mirii ghazalon se soorat teri log tujh ko mira mahboob samjhte honge

teri KHushiyon ka sabab yaar koi aur hai nadosti mujhse hai aur pyaar koi aur hai na

ye shabnami lahjaa hai aahista ghazal padhna titli ki kahaanii hai phoolon ki zabaani hai

tujhe bhool jaane ki koshishein kabhi kaamyaab na ho sakeen tiri yaad shaakh-e-gulaab hai jo hawa chali to lachak gaii

KHuda kii us ke gale men ajeeb qudrat hai vo bolta hai to ik raushni sii hoti hai

isee li.e to yahaañ ab bhi ajnabi hooñ main tamaam log farishte hain aadmi hooñ main

patthar ke jigar waalo gham men vo ravaani hai KHud raah banaa lega bahta hua paani hai