le de ke apne paas faqat ik nazar to hai kyun dekhen zindagi ko kisi ki nazar se ham

koi samandar koi nadi hoti koi dariyaa hota ham jitne pyaase the hamaara ek gilaas se kya hota taane dene se aur ham pe shak karne se behtar tha gale laga ke tumne hijrat ka dukh baat liya hota

pahle sau baar idhar aur udhar dekha hai tab kahii dar ke tumhein ek nazar dekha hai

main na kahtaa tha hijr kuchh bhi nahin KHud ko halkaan kar rahee thii tum kitne aaraam se hai ham dono dekha bekar dar rahee thii tum

hai raam ke vujood pe hindostaan ko naaz ahl-e-nazar samjhte hain us ko imaam-e-hind

nusrat-e-haq dekhna aashoor tak le jaayegi hasrat-e-deedaar koh-e-toor tak le jaayegi

jisse darte the zamaane ke sitamgar saare aaj ke daur ka vo maalik-e-ashtar na raha

door ahbaab se rehta hooñ yuñ hi to akbarna pata kaunsa ik zakhm naya mil jaa.e

zameer bech ke ye bhi ameer ho jaate agar ghareebon men khuddaariyaan nahin hoti

ya'ni sukoon-e-qalb qaza chahta hooñ main is dard-e-la-dawa kii davaa chahta hooñ main