koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

na sirf ye ki jahannum khitaab men bhi nahin ali ke maanne waalon ke KHvaab men bhi nahin

chale jaao magar itni madad karte hue jaao main tanhaa mar na jaaun do addad karte hue jaao charaaghon ki jalan se khatm ho jaati hai taareeqi hasad karte hue aao hasad karte hue jaao

ham do bande hain aur cigarette ek ab khabar hogii dosti ki dost

na koi been bajai na tokri khuli bas ek phone milaane pe saanp baitha hai koi bhi ladki akeli nazar nahin aati yahaañ har ek khazane pe saanp baitha hai

kya hua jo mujhe ham-umr mohabbat na mili meri KHvaahish bhi yahii thii ki badi aag lage