vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

gulaab KHvaab davaa zahar jaam kya kya hai main aa gaya hooñ bataa intizaam kya kya hai

use kisi se mohabbat thii aur vo main nahin tha ye baat mujhse zyaada use rulaati thii

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

dost ahbaab se lene na sahaare jaana dil jo ghabraaye samundar ke kinaare jaana

she'r achchhe bhi kaho sach bhi kaho kam bhi kaho dard kii daulat-e-naayaab ko rusva na karo

bachpan men ham hi the ya tha aur koii vehshat sii hone lagti hai yaadon se

aayi hawa na raas jo saayo ke shahar kii ham zaat kii qadeem gufaaon men kho ga.e

pas-manzar men feed hue jaate hain insaani kirdaar focus men rafta rafta shaitaan ubharta aata hai