hamko dil se bhi nikala gaya phir shahar se bhi hamko patthar se bhi maara gaya phir zehar se bhi

phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

manzilen kya hain raasta kya hai hausla ho to fasla kya hai

hawa chali to uski shawl meri chat pe aa giri ye us badan ke saath meraa pehla raabta hua

meri duniya ujad gaii is men tum ise haadsa samjhte ho aakhiri raasta to baaki hai aakhiri raasta samjhte ho

dost ahbaab se lene na sahaare jaana dil jo ghabraaye samundar ke kinaare jaana

she'r achchhe bhi kaho sach bhi kaho kam bhi kaho dard kii daulat-e-naayaab ko rusva na karo

bura ho aaiine teraa main kaun hooñ na khul sakaa mujhi ko pesh kar diya gaya meri misaal men

pas-manzar men feed hue jaate hain insaani kirdaar focus men rafta rafta shaitaan ubharta aata hai

bachpan men ham hi the ya tha aur koii vehshat sii hone lagti hai yaadon se