agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

gulaab KHvaab davaa zahar jaam kya kya hai main aa gaya hooñ bataa intizaam kya kya hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

meri hi jaan ke dushman hain naseehat waale mujh ko samjhaate hain un ko nahin samjhaate hain

dost dil rakhne ko karte hain bahaane kya kya roz jhooti khabar-e-wasl suna jaate hain