hijr men tumne keval baal bigaade hain hamne jaane kitne saal bigaade hain

udaasi ka sabab do chaar gham hote to kah deta fulaan ko bhool baitha hooñ fulaan kii yaad aati hai

ik saal gaya ik saal naya hai aane ko par vaqt ka ab bhi hosh nahin deewane ko

usne KHat ka javaab bheja hai chaar lekin hain ek haan ke saath

jhela hai maine teen sau painsath dukhon ka saal chaaho to pichhle baarah maheenon se pooch lo

kuchh to karen ki dil ye kahii aur ja lage kuchh der ke li.e sahi aankhoñ ko chain ho

har koi sabr ki talqeen kiya karta hai par koi ye to bataaye ki karoon main kaise

duaaein de rahe hain us..ko zindagi ki magar humeen hain jisne ki jeena muhaal kar diya hai

chadhte huve e shams dikha taav bhi magar ye jaan le ki shaam dhale doob jaayega

vaqt e iftaar KHud rab tha mere qareeb tujh se badh kar magar kuchh na maanga gaya