vaqt rehta nahin kahii tik kar aadat is ki bhi aadmi si hai

itni milti hai mirii ghazalon se soorat teri log tujh ko mira mahboob samjhte honge

main agar apni jawaani ke suna doon qisse ye jo launde hain mere paanv dabane lag jaa.e

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

kuchh to karen ki dil ye kahii aur ja lage kuchh der ke li.e sahi aankhoñ ko chain ho

seene men mere dil hai par ab us men tu nahin yaanii tijori to hai magar dhan nahin bacha

har koi sabr ki talqeen kiya karta hai par koi ye to bataaye ki karoon main kaise

main samajhta hooñ mol miTTi ka mere kheton men sona ugta hai

gar adeebon ko ana ka rog lag jaaye to phir gul mohabbat ke adab ki shaakh par khilte nahin