mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

bas ye diqqat hai bhulaane men use uske badle men kis ko yaad karen

aapki saada dili KHud aapki tauheen hai husn waalon ko zara maghroor hona chahiye

main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin

ab nahin koi baat khatre ki ab sabhi ko sabhi se khatra hai

kahiiñ abeer kii khushboo kahiiñ gulaal ka rang kahiiñ pe sharm se simte hue jamaal ka rang chale bhi aao bhula kar sabhi gile-shikwe barsna chahiye holi ke din visaal ka rang

har ek samt yahaañ vahshaton ka maskan hai junoon ke vaaste sehra o aashiyana kya

ek muddat se hain safar men ham ghar men rah kar bhi jaise beghar se

ye kaifiyat hai meri jaan ab tujhe kho kar ki ham ne KHud ko bhi paaya nahin bahut din se

hai ab bhi bistar-e-jaan par tire badan ki shikan main KHud hi mitne laga hooñ use mitaate hue