agar hukoomat tumhaari tasveer chaap de note par meri dost to dekhna tum ki log bilkul fizoolkharchi nahin karenge hamaare chand achchhe doston ne ye vaa'da KHud se kiya hua hai ki shakl allah ne achchhii dii hai so baatein achchhii nahin karenge

tumhaare shahar men tohmat hai zinda rahna bhi jinhen aziz theen jaanen vo marte jaate hain

teri har baat mohabbat men gawara kar ke dil ke bazaar men baithe hain khasaara kar ke aasmaanon ki taraf fenk diya hai main ne chand miTTi ke charaaghon ko sitaara kar ke

phaile hain qatre os ke ghar men roya hoon man masos ke ghar men maine palken bichaaii theen lekin chaand utara pados ke ghar men

man men ek iraada hota hai taabish raja pahle pyaada hota hai taabish maanta hooñ majbooriyaan theen kuchh dikkat thii par vaa'da to vaa'da hota hai taabish

tumhaare KHvaab se har shab lipt ke sote hain sazaayein bhej do ham ne khataayein bheji hain

ik khwaab ne aañkhen kholi hain kya mod aaya hai kahaanii men vo bheeg rahi hai baarish men aur aag lagii hai paani men

ruke ruke se qadam ruk ke baar baar chale qaraar de ke tire dar se be-qaraar chale

zindagi par bhi koi zor nahin dil ne har cheez paraai dii hai

dil par dastak dene kaun aa niklaa hai kis ki aahat sunta hooñ veeraane men