KHud ko itnaa bhi mat bachaaya kar baarishen hon to bheeg jaaya kar kaam le kuchh haseen hothon se baaton baaton men muskuraya kar

tumhaare bin guzaari raat ke bas do hi kisse hain kabhi hichki nahin rukti kabhi sisaki nahin rukti

na hua naseeb qaraar ae jaan havas ae qaraar bhi ab nahin tira intizaar bahut kiya tira intizaar bhi ab nahin tujhe kya khabar mah o saal ne ha men kaise zakham diye yahaañ tiri yaadgaar thii ik khalish tiri yaadgaar bhi ab nahin

aap kyun roenge meri khaatir farz ye saare is ghulaam ke hain din men sau baar yaad karta hooñ password saare tere naam ke hain

pahle sau baar idhar aur udhar dekha hai tab kahii dar ke tumhein ek nazar dekha hai

chand ummeedein nichodhi theen to aahen tapkiin dil ko pighlaayein to ho saka hai saansen niklen

ye shukr hai ki mire paas teraa gham to raha vagarna zindagi bhar ko rula diya hota

aap ke baad har ghadi ham ne aap ke saath hi guzaari hai

jis ki aankhoñ men kati theen sadiyaanus ne sadiyon ki judaai dii hai

tumhaare KHvaab se har shab lipt ke sote hain sazaayein bhej do ham ne khataayein bheji hain