koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

aankhoñ se ab vo KHvaab ko nisbat nahin rahi ik umr ho gaii ye samundar kharaab hai

vo intiqaam kii aatish thii mere seene men mila na koii to khud ko pachaad aaya hooñ

aagaah main charaaghh jalate hi ho gaya duniya mire hisaab se badh kar kharaab hai

na vo haseen na main khoob-roo magar ik saath hamen jo dekh le vo dekhta hi rah jaa.e

us kii nazar badlne se pahle kii baat hai main aasmaan par tha sitaara zameen par