kabootar ko pata hai ghar tumhaara milega chat pe tumko khat hamaara

ye sochkar ki vo khidki se jhaank le shaayad gali men khelte bacche lada diye maine

roshni badhne lagii hai shahar ki chaand chat par aa gaya hai dekhiye

usne khidki se chaand dekha tha maine khidki men chaand dekha hai

shaayad mujhe kisi se mohabbat nahin hui lekin yaqeen sab ko dilaata raha hooñ main

meraa batua nahin hota hai khaali teri tasveer ki barkat rahi maa

gulaabi hont bhi nazdeek the par hamaare hont ne maatha chhua tha hamaari pyaas bhi sabse alag thii hamaara zabt bhi sabse juda tha

sukhaai ja rahi hai zulf dhokar ghatta ya'ni nichodhi ja rahi hai

nayi duniya banaaunga magar main apni duniya ka KHuda bhi ishq men khoya hua ladka banaaunga

chitthi likhne men ik muddat lagti hai padhne vaala minaton men padh leta hai