ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

shaakhon se toot jaayen vo patte nahin hain ham aandhi se koi kah de ki auqaat men rahe

mujhe pasand nahin aise kaarobaar men hooñ ye jabr hai ki main KHud apne ikhtiyaar men hooñ

KHud-ba-KHud shaakh lachak jaayegi phal se bharpoor to ho lene do

KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii

darwaaza khatkhataa ke sitaare chale ga.e KHvaabon ki shaal odh ke main unghta raha

kis tarah jama keejie ab apne aap ko kaaghaz bikhar rahe hain puraani kitaab ke