subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

isliye ye mahina hi shaamil nahin umr ki jantri men hamaari usne ik din kaha tha ki shaa dii hai is farvari men hamaari

itne afsurda nahin hain ham ki kar len khudkushi aur na itne KHush ki sach men marne ki KHvaahish na ho

kya hua jo mujhe ham-umr mohabbat na mili meri KHvaahish bhi yahii thii ki badi aag lage

mere honton pe kisi lams ki KHvaahish hai shadeed aisa kuchh kar mujhe cigarette ko jalana na pade

mujhe pasand nahin aise kaarobaar men hooñ ye jabr hai ki main KHud apne ikhtiyaar men hooñ

kis tarah jama keejie ab apne aap ko kaaghaz bikhar rahe hain puraani kitaab ke

phir baalon men raat hui phir haathon men chaand khila

KHud-ba-KHud shaakh lachak jaayegi phal se bharpoor to ho lene do

darwaaza khatkhataa ke sitaare chale ga.e KHvaabon ki shaal odh ke main unghta raha