tumhaare baad ye dukh bhi to sahna pad raha hai kisi ke saath majboori men rahna pad raha hai

tu mohabbat se koi chaal to chal haar jaane ka hausla hai mujhe

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

kuchh baat hai ki hasti mitati nahin hamaari sadiyon raha hai dushman daur e zamaan hamaara

ye mujhe chain kyun nahin padta ek hi shaKHs tha jahaan men kya

tamaam shahar ko tareekiyo se shikwa hai magar charaaghh ki bai'at se khauf aata hai

nabeel is ishq men tum jeet bhi jaao to kya hogaa ye aisi jeet hai pahluu men jis ke haar chalti hai

nabeel aisa karo tum bhi bhool jaao use vo shaKHs apni har ik baat se mukar chuka hai

main chhup raha hooñ ki jaane kis dam utaar dale libaas mujh ko

musafiron se kaho apni pyaas baandh rakhen safar ki rooh men sehra koi utar chuka hai