tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

ye kehna tha un se mohabbat hai mujh ko ye kehne men mujh ko zamaane lage hain

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

aur bhi dukh hain zamaane men mohabbat ke siva raahatein aur bhi hain vasl ki raahat ke siva

ye daadhiyaan ye tilakdhaariyaan nahin chaltiin hamaare ahd men makkaariyaan nahin chaltiin qabeele waalon ke dil jodiye mere sardaar saroon ko kaat ke sardaariyaan nahin chaltiin

maa ki aaghosh men kal maut ki aaghosh men aaj ham ko duniya men ye do vaqt suhaane se mile

jis din mirii jabeen kisi dahleez par jhukeus din KHuda shigaaf mire sar men daal de

thoda sa aks chaand ke paikar men daal de tu aa ke jaan raat ke manzar men daal de

vo din bhi haaye kya din the jab apna bhi taalluq tha dashahre se diwali se basanton se bahaaron se