shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

sochun to saari umr mohabbat men kat gaii dekhooñ to ek shaKHs bhi meraa nahin hua

ye daadhiyaan ye tilakdhaariyaan nahin chaltiin hamaare ahd men makkaariyaan nahin chaltiin qabeele waalon ke dil jodiye mere sardaar saroon ko kaat ke sardaariyaan nahin chaltiin

thoda sa aks chaand ke paikar men daal de tu aa ke jaan raat ke manzar men daal de

jis din mirii jabeen kisi dahleez par jhukeus din KHuda shigaaf mire sar men daal de

kaun aayega yahaañ koi na aaya hogaa meraa darwaaza hawaon ne hilaaya hogaa

aag ka kya hai pal do pal men lagti hai bujhte bujhte ek zamaana lagta hai