hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

chaan dii sona ek taraf teraa hona ek taraf ek taraf teri aañkhen jaadu toona ek taraf

muddaton baad ik shaKHs se milne ke li.e aaina dekha gaya baal sanwaare ga.e

teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

mat pooch ki kya haal hai meraa tere peeche tu dekh ki kya rang hai teraa mere aage

na hon ashaar men maani na sahi KHud kalaami ka zariya hi sahi tum na nawaazo she'r ko na sunaayenge ye meraa zaati nazariya hi sahi

watan ki KHaak zaraa ediyaan ragadne de mujhe yaqeen hai paani yahiin se niklega

nateeja phir vahii hogaa suna hai saal badlega parinde phir vahii honge shikaari jaal badlega vahii haakim vahii gurbat vahii qaateel vahii ghaasib batao kitne saalon men hamaara haal badlega

un ke hone se bakht hote hain baap ghar ke darakht hote hain

ab ke baar mil ke yuñ saal-e-nau manaaenge ranjishen bhula kar ham nafratein mitaayenge