ab na nikloonga teri baanhon se apni had men raha karunga main mere seene men hai meraa ustaad isne jo bhi kaha karunga main

tumhaara kya bigaara tha jo tumne tod daala hai ye tukde main nahin loonga mujhe phir dil banaa kar do

rukhsaar par hai rang-e-haya ka farogh aaj bose ka naam main ne liya vo nikhar ga.e

main ek thehra hua pul tu bahta dariyaa hai tujhe miloonga to phir toot kar miloonga main

jab talak pyaar chanda se hota rahe soory taaron kii baanhon men sota rahe jab milan ho hamaara to ho is tarah megh barsa karen pyaar hota rahe

qaum ke gham men dinner khaate hain hukkaam ke saath ranj lider ko bahut hai magar aaraam ke saath

daava bahut badaa hai riyaazi men aap ko tool-e-shab-e-firaq ko to naap deejie

is qadar tha khatmalon ka chaarpaai men hujoom vasl ka dil se mire armaan ruksat ho gaya

lipt bhi ja na ruk akbar ghazab ki beauty hai nahin nahin pe na ja ye haya ki duty hai

naaz kya is pe jo badla hai zamaane ne tumhein mard hain vo jo zamaane ko badal dete hain