hazaaron saal nargis apni be-noori pe roti hai badi mushkil se hota hai chaman men deeda-war paida

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ab main saare jahaan men hooñ badnaam ab bhi tum mujh...ko jaanti ho kya

isi li.e to sabse zyaada bhaati ho kitne sacche dil se jhoothi qasmen khaati ho

teraa chup rahna mere zehan men kya baith gaya itni aawaazen tujhe deen ki gala baith gaya

zindagi ka muqaddar safar-dar-safar aakhiri saans tak be-qaraar aadmi

us ko ruksat to kiya tha mujhe maaloom na tha saara ghar le gaya ghar chhod ke jaane vaala

naksha utha ke aur koi shahar dekhiye is shahar men to sab se mulaqaat ho gaii

ghee misri bhi bhej kabhi akhbaaron men kaii dinon se chaai hai kadvi ya allah

duniya jise kahte hain jaadu ka khilauna hai mil jaa.e to miTTi hai kho jaa.e to sona hai