hazaaron saal nargis apni be-noori pe roti hai badi mushkil se hota hai chaman men deeda-war paida

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

dhoop men niklo ghataon men naha kar dekho zindagi kya hai kitaabon ko hata kar dekho

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

mere saath chalne kii shart par kaii log chal to pade magar koii raaste men badal gaya koii raasta hi badal gaya

kisi ko saal-e-nau ki kya mubaarakbaad dii jaa.e calendar ke badlne se muqaddar kab badalta hai

itnaa kamzarf na ban us ke bhi seene men hai dilus ka ehsaas bhi rakh apni hi raahat pe na ja

ab to KHud apni zaroorat bhi nahin hai ham ko vo bhi din the ki kabhi teri zaroorat ham the

guftugoo der se jaarii hai nateeje ke baghair ik nayi baat nikal aati hai har baat ke saath